Hreinsið kræklinginn undir köldu, rennandi vatni og togið burt skeggið. Hendið skeljum sem eru brotnar eða lokast ekki þegar bankað er í þær, og síðar þeim sem opnast ekki við suðuna.
Leggið saffranið í bleyti í nokkrar matskeiðar af sjóðandi vatni.
Saxið vorlauk og hvítlauk fínt og takið smá vorlauk frá til að skreyta með.
Mýkið lauk og hvítlauk í smjöri í stórum potti og kryddið með lárviðarlaufi, timíani og chilli.
Bætið kræklingnum, saffranvatninu og soðinu í pottinn, setjið lok á og sjóðið í 5–6 mínútur, þar til skeljarnar hafa opnast.
Hellið tómötum og rjóma út í, látið suðuna koma upp og smakkið til með salti, pipar og safa úr sítrónunni.
Ausið súpunni í skálar og skreytið með vorlauknum sem var tekinn frá og timíani.
Athugasemdir
Gott með góðu brauði og smjöri.
Ljúffeng súpa er einmitt það sem þarf þegar kólnar í veðri.