Lifrarpylsa
- Frá
- Erla Jónatansdóttir, sem fékk hana frá Elsu
Hráefni
- ca. 3 lambalifrar
- 60 g salt
- 1 l mjólk
- 550 g rúgmjöl
- 750 g haframjöl
- 750 g mör, skorinn í litla teninga
Aðferð
- Undirbúið keppina: vambir sem eru skornar í hæfilega stóra bita og saumaðar saman í poka. Einnig má nota pylsugörn eða slátursekki.
- Hreinsið lifrarnar, skerið burt himnur og æðar og hakkið þær smátt.
- Hrærið saltinu og mjólkinni saman við lifrarhakkið, bætið rúgmjöli og haframjöli út í og hrærið í þykkan graut. Blandið mörnum saman við síðast.
- Setjið um 600 g í hvern kepp og saumið eða bindið fyrir. Fyllið ekki alveg, því fyllingin þenst út við suðu.
- Sjóðið keppina í söltu vatni í um 2½–3 klst. Stingið í þá með prjóni þegar þeir fljóta upp svo þeir springi ekki.
Aðrar stærðir
Stærri lögun (5 lifrar)
Ekki nákvæm margföldun: í stærri löguninni er hlutfallslega aðeins minna rúgmjöl og meira haframjöl og mör.
- ca. 5 lambalifrar
- 100 g salt
- 1¾ l mjólk
- 850 g rúgmjöl
- 1300 g haframjöl
- 1300 g mör, skorinn í litla teninga
Eins og hún skrifaði það
Lifrapylsa.
Erla Jónatans Elsa
ca. 3 lifrar + 60gr. salt
1L. mjólk
550gr. Rúgmjöl
750gr. Hafra mjöl +
750gr. mör
■ - 600 gr. í
hvern kepp