Ossobuco
- Frá
- Hugrún, mamma, höfundur bókarinnar
Hráefni
- 1½ kg ossobucobitar (nautaskankar)
- 2 msk. hveiti
- salt, eftir smekk
- pipar, eftir smekk
- 1½ msk. smjör, til steikingar
- 1½ msk. olía, til steikingar
- 2 laukar, saxaðir
- 1 rauðlaukur, saxaður
- ½ blaðlaukur (púrra), sneidd
- 2–3 hvítlauksgeirar, fínsaxaður
- 3 dl soð (nauta- eða grænmetiskraftur), eða til helminga soð og hvítvín
- 2 sellerístilkar
- 2 dl rótarsellerí, í teningum
- 2 gulrætur, vænar
- 3 dósir niðursoðnir tómatbitar
- 1 dós niðursoðnir heilir tómatar
- ½ kg kartöflur, í bitum, ekki of litlum
- basilíka
- steinselja, söxuð
Aðferð
- Setjið hveiti, salt og pipar í poka ásamt kjötinu og hristið saman.
- Brúnið kjötið í smjöri og olíu á pönnu og raðið því í pott.
- Brúnið laukinn, rauðlaukinn og púrruna og setjið yfir kjötið ásamt fínsöxuðum hvítlauk.
- Hellið soðinu (og hvítvíninu) yfir og látið malla í um 60 mínútur.
- Skerið grænmetið (sellerí, rótarsellerí, gulrætur og kartöflur) og dreifið því jafnt yfir allt. Setjið tómatana efst.
- Látið sjóða við vægan hita undir loki í um 2 klst., eða þar til kjötið er vel meyrt og losnar frá beinunum.
- Smakkið til og bragðbætið ef þarf. Stráið saxaðri steinselju og basilíku yfir rétt áður en rétturinn er borinn fram.
Athugasemdir
- Rosalega gott með góðu brauði, borið fram með sérstakri sítrónuolíu (sjá sítrónu-hvítlauksolíu).
Eins og hún skrifaði það
Ossobuco
1 ½ kg. Ossobucobitar (nautaskankar).
2 msk. Hveiti, salt og pipar sett í poka ásamt kjötinu og hrist saman.
1 ½ msk smjör og 1 ½ msk olía til að steikja upp úr.
2 laukar, 1 rauðlaukur, ½ púrra og 2-3 hvítlauksrif.
3 dl. Soð eða blandað til hálfs með hvítvíni (nauta eða grænm.kraftur).
2 sellerístilkar.
2 dl. Rótarsellerí í teningum.
2 góðar gulrætur.
3 dósir tómatbitar.
1 dós heilir tómatar.
½ kg. kartöflubitar (ekki of litlir).
Basilika og söxuð steinselja.
Kjötið brúnað og raðað í pott. Brúna laukinn sem er settur yfir kjötið
ásamt fínsöxuðum hvítlauk. Hella soðinu (og hvítvíni) yfir og láta
malla í ca. 40 6 mín. Grænm. skorið og dreift jafnt yfir allt og tóm. settir
efst. Soðið í lokuðum potti í ca. … 3 klst. eða þar til kjötið er vel meyrt
og laust frá beinunum. Bragðbætt ef þarf, og saxaðri steinselju stráð
yfir rétt áður en borið er fram.
Rosa gott með góðu brauði sem er borið fram með sérst. sítr.olíu.
Kær kveðja,
Hugrún.